دیزاینی پلەبەرز لە خانووی هەرزاندا
بنیاتنانی خانووی چاک بە نرخێکی هەرزان شتێکی ئاسان نییە، بەڵام گروپی دانیمارکی BIG ئەو کارەی کردووە لە پڕۆژە تازەکەیدا لە وڵاتەکەی خۆی. ئەم پڕۆژەیەش، کە نزیکەی 10 ملیۆن دۆلاری ئەمەریکی تێچووە، لەلایەن ڕێکخراوێکی خێرخوازیەوە خراوەتە کار بۆ دابینکردنی خانووی کوالێتی بەرز بۆ ئەو کەسانەی پارەی پێویستیان نییە.
ناوچەی نیشتەجێبوونی دۆرسیاڤێی، کە پڕۆژەکەی لێدەکرێت، ڕووبەری گشتی ناوەوەی 6,800 مەتر دووجایە و بەسەر 5 نهۆم و 66 ماڵدا دابەشکراوە. ئەم شوقانە دیزاینێکی سادەیان هەیە و بە شێوەیەکی شیتڕەنجی دانراون، بەڵام بێگومان لەبەر نرخەکە کۆمپانیاکە نەیتوانیوە وەک پڕۆژەکانی تری سەرنجڕاکێشی بکات.
بەڕێوبەری کۆمپانیاکە، بیارک ئینجێڵس (Bjarke Ingels)، دەڵێت: "مەرجەکانی پڕۆژەکە قورسی کارەکەمانی زیادکرد بەڵام وەک هەمووکات ئێمە هەوڵمان داوە سوود و بەها ببەخشین بە هەموو لایەک و کاری جیاوازی خۆمان نیشان بدەین. "